التوازن بين الحياة الشخصية و الحياة العملية - Work Life Balance

هل ال Work-Life Balance معناه أنى أشتغل أقل ؟ ولا أعيش أحسن 👀

،كل ما بنتكلم عن المصطلح ده بنكتشف أن كل شخص عنده تعريف خاص به مختلف عن الآخر 

،فى ناس بالنسبة لهم التوازن يعنى إن اللابتوب يقفل أول ما ساعات العمل تخلص  

،وف ناس شايفاه أنه التواجد الفعلى مع عليتى و صحابى 

 ،وناس تانية بتقيسه بالقدرة على تحقيق أهدافها فى الشغل بدون ما تدفع صحتها أو حياتها الشخصية تمن لذلك 

لكن يبقى السؤال هل فى تعريف واحد صحيح للتوازن بين الحياة الشخصية والحياة العملية؟ 

 للاسف مقدرش أقول أه لأن التوازن مش معادلة ثابتة فى بداية حياتك المهنية جايز تكون مستعد تشتغل 24/7 عشان بتبنى خبرة وبتحاول تثبت نفسك 

لكن بعد كام سنة خبرة ، أولوياتك بتتغير ممكن يكون عندك عيلة / بيت / مسوؤليات اكبر / أو حتى بتحس أن النجاح فى الشغل بس مش كفاية لازم توازن بين الاتنين 

عشان كدا المفهوم بيتغير مع كل مرحلة من مراحل حياتنا 

:-المشكلة مش فى عدد ساعات العمل

ناس كتير شاطرة بتشتغل اكتر من 8 ساعات وبتحس بالرضا النفسى للشئ اللى بتنجزه وتحققه 

وناس تانية بتشتغل 8 أو أقل وبيحسوا أنهم مستنزفين ومرهقين 

الفرق مش فى المدة أو تنظيم الوقت 

الفرق فى حاجة من الحاجات دول :- 

1. هل عندك حدود واضحة بين الشغل وحياتك ؟
2. هل عندك مرونة لما تحتاجها ؟
3. هل ثقافة الشركة بتحترم وقتك الخاص ؟
4. هل بتحس إن شغلك له قيمة ؟ 

دور بيئة العمل فى تحقيق التوازن الصحى 

بيئة العمل الصحية اللى بتهتم بالموظف زى ما بتهتم بالنتائج والأرباح مش بتسأل " قد إيه الموظف النهاردة اشتغل " لكن بتقيس الإنتاجية اللى جققها فى اليوم بنسبة قد إيه 

كمان بتسأل وتقيم من خلال اجابة الأسئلة التالية :-

هل الموظف قدر يأخد أجازته من غير ما يحس بالذنب ؟

هل حاسس بالأمان لو رفض task خارج ساعات العمل الرسمية ؟

هل بيئة العمل تدعم صحته النفسية والبدنية ؟

هل المدير يقود بثقة فريقه ولا تحت الرقابة المستمرة والمباشرة ؟

لأن الموظف المتوازن نفسيا غالبا حيكون أكتر إنتاجية وإلتزاما وأقل عرضة لل burnout 

شاركونى رأيكم فى التعليقات لأن فهم التوازن مش واحد لكل الناس هو بيبدأ لما تعرف أولوياتك أنت .

رندا عزام 

HR Business Partner | People and Culture Strategist 

Follow me on Social media  👇

http://linktr.ee/randazzam88